மனிதனும் தேனீயும்

                     தேடிச் சென்று பூவிலே
                        தேனை எடுக்கும் ஈயே வா.
                     ஜாடி நிறையத் தேனையே
                        தருவேன்; குடித்துச் செல்லுவாய்.
 

தேனீ :

                     என்னைப் போலத் தினம்தினம்
                        ஈக்கள் தேனை எடுத்தன.
                     கொண்டு வந்து கவனமாய்க்
                        கூட்டில் சேர்த்து வைத்தன.

                     கூட்டைக் கலைத்தே ஈக்களைக்
                        கொன்று விட்டுத் தேனையே
                     வீட்டில் சேர்த்து வைக்கிறீர்.
                        விருந்து தரவா அழைக்கிறீர் ?

                     எத்திப் பிழைக்க நானுமே
                        எண்ண மாட்டேன். ஆதலால்,
                     புத்தம் புதிய தேனையே
                        பூவில் எடுக்கப் போகிறேன்.