:: TVU ::

பக்கம் :126

18. இசைப்பணி புரிந்த காதை

அருண்மொழி மகிழ்ச்சி

எழிலி பயிற்றிய இசைத்திறம் பூண்ட
விழிமலர்ப் பூங்கொடி வியன்புகழ் ஊர்தொறும்
பரவிப் பரவிப் பாரகம் அடங்கலும்
விரவி மலர்ந்தது விளைந்தது நற்பயன்;

தான்புனை கவியைச் சான்றோர் ஏத்திட

ஈன்றநற் கவிஞன் ஏமுறல் போல
ஈன்றாள் அருண்மொழி இவள்புகழ் செவிப்பட
ஈன்ற ஞான்றினும் பெரிதுவந் தனளே;

எழிலியின் மகிழ்ச்சி

இசையின் அரசியாம் எழிலிதன் கொழுநன்

விசையுறு மரக்கலம் சிதைவுறு காலை

விளிவில னாகி மீளுதல் கண்ட
காலையின் மிகவே களிகூர்ந் தனளே;

அடிகள் விழைவு

குறளகங் கண்ட மலையுறை யடிகள்
உறுபுகழ் பூங்கொடி உறுவது காணலும்

நெஞ்சம் குளிர்ந்து நேரிழை வாழ்த்தி

`வஞ்சி! தமிழிசை வளர்வான் வேண்டி
நிலையம் ஒன்று நிறுவுதல் விழைந்தனென்;
பலரும் வந்திவண் பயிலிகள் ஆவர்;
இசைகெழு தமிழின் ஏற்றம் உணர்வோர்

திசைதொறும் திசைதொறும் சென்றிசை பரப்புவர்;

---------------------------------------------------------------

பாரகம் - உலகம், அடங்கலும் - முழுவதும், ஏமுறல் - மகிழ்தல், ஞான்றினும் - பொழுதினும், காலையின் - பொழுதைவிட, பயிலிகள் - பயிற்சியாளர்கள், இசை - புகழ்.