:: TVU ::

பக்கம் :162

பூங்கொடி


	பிறரிடைச் செலுத்தும் பெற்றிமை வாய்ப்பின் உற்றவர் பிரிவினிற் பெற்றிடும் மனநோய்
	அற்றிடும்; இஃதென் பட்டறி வாகும்;'	75
	எனவிழி ததும்ப இசைத்தனள் பூங்கொடி;

	கிழார் மகிழ்ந்து வாழ்த்துதல்

	மனமிகக் களித்த மாபெருஞ் செல்வர் கைவிரல் கொண்டு கண்மலர் துடைத்து மெய்ம்மயிர் சிலிர்த்து `மீண்டஎன் மகளே!
	வாழிய நெடிதே! வாழிய மகளே!	80
	சூழிடர் தொலைத்தனை! சுடரொளி துலக்கினை! வாழ்வை மறுமுறை வளம்பெறச் செய்தனை;

	வேண்டுவன கொள்க எனல்

	இளங்கொடி நினக்குயான் செய்யற் பாலதென்? விளங்கிட உரைத்தருள் வேண்டுவ திதுவென;
	எப்பொரு ளாயினும் அப்பொருள் ஈவேன்;	85
	ஒப்பிலாச் செல்வி! உண்மையின் உரைக்கின் `ஈதல்' எனுஞ்சொல் ஏற்புடைத் தன்று; தீதுதீர் செல்வமும் செழுமனை யாவும் நின்பொருள், வேண்டுவ நீயே கொள்க'
	இன்பினில் திளைத்தவர் இவ்வணம் புகல,	90

	பூங்கொடி மறுத்தல்

	`அன்புடைப் பெரியோய்! பொதுப்பணி ஆற்றிட என்பும் பிறர்க்கென எடுத்துளேன் வஞ்சினம் எனக்கென ஒருபொருள் எதற்கின ஐய! மனக்கினி யாய்!எனை மன்னித் தருள்'கெனத்
	தனக்கென வாழாஅத் தையல் மொழிந்திட,	95

	கிழார் மீண்டும் வேண்டல்

	`ஆருயிர் மகளே! அவ்வணம் உரையேல்,
---------------------------------------------------------------
	பட்டறிவு - அனுபவம், என்பும் - எலும்பும், மனக்கு - மனத்துக்கு.