:: TVU ::

பக்கம் :182

பூங்கொடி


	விழைந்ததும் உண்டோ? மொழிந்ததும் உண்டோ?'; `ஆம்ஆம் என்னை அம்மகன் விழைந்ததும்
	காம மொழிகள் கழறியதும் உண்மை'	220
	என்றவள் செப்ப, `இசைந்ததும் உண்டோ? மன்றல் புரியநின் மனமொப் பினையோ?' என்றவர் வினவ, `இல்லற வாழ்வே வேண்டிலே னாகி விழைந்திப் பொதுப்பணி
	பூண்டுளேன் ஆதலின் புல்லும் அவன்மொழி	225
	பொருளெனக் கொளாஅது போயினென்' என்றனள்; `ஆங்ஙன மாயின் அவன்றன் போக்கைத் தீங்கெனக் கருதிச் செற்றம் அவன்பாற் கொண்டதும் உண்டோ? கொடியன் இவன்எனக்
	கண்டு வெறுத்ததும் உண்டோ? உரை' என	230
	`அவனுரை மறுத்துளேன் அவனை வெறுத்திலேன் சினமொழி தொடுத்துளேன் செற்றம் படைத்திலேன் ஆணும் பெண்ணும் அவரவர் கருத்தைக் காணும் பொழுது கழறுதல் இயல்பு
	விழைவோர் மற்றவர் விருப்பினைக் கேட்டல்	235
	பிழையோ? உரிமை, என்றது பொறுத்தேன்'

	பூங்கொடி சிறைப்படல்

	என்றவள் செப்பினள்; ஏந்திழை மாற்றம் நின்றவர் செவியில் ஒன்றிய தெனினும் `கொன்றவர் யாரெனுங் குறிப்பறி காறும்
	காவலில் வைப்பதெங் கடமையும் ஆகு'மென்	240
	றொருபிழை யறியாப் பெருமகள் அவளைச் சிறைசெய் தனரே முறையின் பெயரால்;
	குறைசெய் தனரே! குறைசெய் தனரே!	243
---------------------------------------------------------------
	கொளாஅது - கொள்ளாது, ஏந்திழை - பூங்கொடி.