:: TVU ::

யாழ் நூல் பெற்ற காதை

பக்கம் : 205

	அரண்செயும் ஆதலின் அறைகுவென்' எனமொழிந்
	தாயிரம் நரம்பான் அமைந்தநற் பேரியாழ்	120
	தோயுறும் அமுதிசை பாய்வுறும் சீறியாழ் மீன்போல் வடிவம் மேவிய மகரயாழ் தேன்போல் நரம்பிசை தெரிக்கும் சகோடயாழ் முளரியாழ் வில்யாழ் முதலன விளக்கிப்
	பழகிய வீணையின் பான்மையும் உரைத்துப்	125
	பண்ணுறும் யாழின் பல்வகை உறுப்பும் முன்னைய அமைப்பும் முற்றுற உணர்த்தி இலக்கியச் சான்றுகள் எடுத்தெடுத் திசைத்துக் குலக்கொடி மாதவி கோவலன் அருகில்
	கடற்கரை யமர்ந்து கானல் வரியாம்	130
	மிடற்றிசை கலந்து மெல்விரல் வருடிய அவ்வியாழ்க் கருவியின் அமைப்பும் இயம்பிக் கவ்விசை நரம்புக் கருவி முதலாச் செவ்விய நால்வகைக் கருவியும் செப்பிச்

	இசைநூல் இசைத்தல்

	சிற்றிசை பேரிசை செயிற்றியம் குணநூல்	135
	முற்றிய சயந்தம் முறுவல் எனப்பல சங்கத் திசைநூல் தனித்தனி சுட்டி, இங்கச் சுவடிகள் இழந்தவும் கூறி,

	பண்முறை விளக்கல்

	நண்ணும் இசைநூல் நலமெலாம் உணரப்
	பண்ணும் பண்ணியல் திறமும் பகர்ந்து	140
	கண்புலர் காலை கடும்பகல் மாலை வெண்மதி இரவாம் வேளையில் இசைக்கும் பண்ணிவை, பொதுவிற் பாடும் பண்ணிவை,
---------------------------------------------------------------
	அரண்செயும் - துணைசெய்யும். தெரிக்கும் - இசைக்கும், முளரி - தாமரை, முற்றுற - முடிவுற. மிடற்றிசை - குரலிசை, நால்வகை - நரம்பு, தோல், துளை, கஞ்சம்.