:: TVU ::

பக்கம் : 223

29. அறப்போர் நிகழ்த்திய காதை
முத்தமிழ் மாநாடு

	கலைமிகு தமிழ்மொழி காக்கும் நோக்கோடு
	மலையுறை யடிகள் மாநாடொன்று மணிநக ரென்னும் மாநக ரதனுள் அணிபெறக் கூட்டினர்; அப்பே ரரங்கில்

பன்னாட்டறிஞர் பாராட்டுரை

	பைந்தமி ழுணர்ந்த பற்பன் னாட்டினர்	5
	ஐந்தெனும் இலக்கண அமைப்புறும் செந்தமிழ் மேன்மையைப் பான்மையை மேம்படு புலத்தால் ஆய்ந்தவை கூறி அதன்நலம் பரப்ப வாய்ந்தவும் உரைத்துத் தோய்ந்தனர் களிப்பில்;
	பன்னாட் டிசையும் பகுத்துணர்ந் தாய்ந்தோர்	10
	தென்னாட் டிசையின் திறமெலாம் வியந்தே எந்நாட் டெங்கணும் இதுபோற் காண்கிலேம் எனஅவர் தம்முள் ஒருசிலர் உரைத்தனர்; குவளை நிகர்க்கும் கூர்விழி யிணையால்,
	பவழ இதழால், பைந்தளிர் விரலால்,	15
	பொற்புடை நுதலால், புருவச் சிலையால், உட்குறிப் புணர்த்தும் மெய்ப்பா டனைத்தும் தெற்றென விளக்கித் தெரிவையர் ஆடுங் கலையெழிற் றிறமெலாம் பலபடப் புகழ்ந்தனர்;

தென்னாட்டார் தெளிவுரை

	முத்தமிழ் காவலர், மொழித்துறை ஆய்வினர்,	20
	புத்தமு தென்னப் புதினம் படைக்குநர், செந்தமிழ்க் காவலர், சிந்தனைப் புலவர், பைந்தமிழ் நாவலர், பன்மொழிப் புலவர்,
---------------------------------------------------------------
	உட்குறிப்பு - மனக்குறிப்பு.