:: TVU ::

பக்கம் :226

பூங்கொடி

	திருப்பலும் வரன்முறைப் படுத்தலும் நங்கடன் ஆக்கப் பணியில் அதனைத் தேக்கி ஊக்கப் படுத்துதல் ஒன்றே இனிமேல்
	ஆற்றப் படும்பணி யாகும் ஆதலின்	80

செயற்குழு அமைக்கவேண்டுதல், பன்மொழிப் பயிற்சிக்குழு

	செயற்குழு பலவகை சீர்பெற அமைத்துச் செயற்பட வேண்டுவல்; செந்தமிழ் நூல்களை அயன்மொழி பலவுளும் அமைத்திடல் வேண்டியும் நயனுள மொழிகளுள் நல்லன காண்புழிப்
	பயனுறப் பெயர்த்துப் பைந்தமிழ் ஆக்கவும்	85
	உலக மொழிகள் பலவும் பயில இலகும் அறிவினர் இணைந்ததோர் குழுவும்,

இலக்கியம் பரப்புக் குழு

	தொல்காப் பியமும் தூயநற் குறளும் பல்கிய பொருள்செறி பாட்டுந் தொகையும் நாலடி முதலா நயனுரை நூலும்
	தோலெனும் வகைப்படும் தொடர்நிலைச் செய்யுளும்	90
	கல்லா மாந்தர்தம் கருத்துட் பாய்ச்ச வல்லார் சொல்லில் நல்லார் குழுவும்,

புதுநூல் படைப்புக் குழு

	முன்னோர் நெறியின்முரண்பா டின்றிப்
	பன்னூல் ஆக்க உன்னுவோர் தாமும்	95
	பின்னோர் நம்மைப் பேணும் வகையால் நன்னூல் ஆக்க நயப்போர் தாமும்
---------------------------------------------------------------
	நங்கடன் - நம்கடமை, பாட்டு - பத்துப்பாட்டு, தொகை - எட்டுத்தொகை நூல்.