:: TVU ::

சிறையகம் புகுந்த காதை

பக்கம் : 233

	செய்யுந் தொழிலிது செந்தமிழ்க் காக்கம்;
	நையும் வகையால் நலிவுகள் எய்திக்	50
	கையில் விலங்குடன் கடுஞ்சிறை புகலால் வையம் புகழும், வாழ்வுகள் நலியும்; முத்தமிழ் வளர்க்க முயல்வான் வேண்டிப் பித்தர் செயலினைப் பேணுதல் முறையோ?
	எத்துணைப் பயன்தரும் இச்செயல்' என்றனர்;	55

உரிமைப் போர்

	`கசடறக் கற்றனர் கற்றவை உரைத்தனர் நசையினை ஊட்டினர் நற்றமிழ் வளர்த்தனர்; ஆயினும் உரிமையும் அதற்குரிய நிலையும் ஏயும்நன் மதிப்பும் ஈண்டதற் கிலையே!
	உரிமையும் நிலையும் ஒடுங்கி வருங்காற்	60
	பெருமையும் பிறவும் பேசிப் பயனென்? அரசியல் நெறியால் அயன்மொழி புகுமேல் வருமொழி ஒன்றே வளம்பெறும் செழிப்புறும்; செந்தமிழ் ஆட்சி சிறப்புறல் யாங்ஙனம்?
	இந்த நிலையினை எண்ணியோர் இவர்தாம்	65
	எத்தகு துயரும் ஏற்போ ராகி முத்தமிழ் வளர்க்க முனைந்தனர்; தமிழின் பித்தராய்ப் பத்தராய்ப் பேணினர் அறப்போர் இத்தகு நெறியும் இன்றுள நிலையில்
	வேண்டுவ தொன்றே விளைபயன் உறுதி;	70
	வரும்நம் பரம்பரை வாழ்வினை வேண்டிப் பொருமிவர் முயற்சியைப் போற்றுதல் வேண்டும்'என் றாயும் அறிவினர் அறைந்தனர் புகழ்ந்தனர்;

சோற்றுக் கவலை

	அறநெறி பிறழா அறப்போர் வீரரை
	அரசியல் வாதிகள் அறைந்தனர் சிலசொல்	75
---------------------------------------------------------------
	முயல்வான் - முயல.