:: TVU ::

பக்கம் : 27

2. பழியுரை காதை
வஞ்சியின் கவலை

	முத்தமிழ் காக்கும் முதற்பணி பூண்ட நத்தும் வடிவேல் நன்மணம் புணர்ந்த பத்தினித் தெய்வம் பாங்குயர் அருண்மொழி இத்தரை உய்ய ஈன்றருள் மகளாம்
	தத்தை பூங்கொடி தாயொடு மங்கலத்	5
	தைத்திரு நாளில் தமிழிசை வழங்க வாராத் துயரால் மயங்கிய வஞ்சி சோரா நின்றனள்; தன்மகட் டோழி தேன்மொழி யைக்கூஉய்த் திருநகர் கூறும்
	தீமொழி அருண்மொழிக் குரையெனச் செப்பினள்;	10

	தேன்மொழி செல்லல்

	அவ்வுயிர்த் தோழியும் அருண்மொழி நிலைக்கு வெவ்வுயிர்த் தேங்கும் வினையினள் ஆதலின் பூங்கொடி தன்னோ டருண்மொழி வைகும் பாங்குடை இல்லிற் புகுந்தனள் பாங்கி;
	அருண்மொழி மேனி அழிநலங் கண்டு	15
	மருண்மனங் கொண்டு `மங்காய்! நின்னை இவ்வூர் மாக்கள் இகழ்ந்துரை கூறினர்;

	அருண்மெழியின் இசைப்புலமை

	செவ்விய இசைநூல் இவ்வுல குள்ளன அவ்வள வும்பயில் அறிவினள்; பிறமொழி
	இசைபல முயன்று வசையற வுணர்ந்து	20
---------------------------------------------------------------
	கூஉய் - அழைத்து, வைகும் - தங்கும், மருள் - மயக்கம், மாக்கள் - மக்கள்