பெண்மதிமாலை
	சத்திய மார்க்கத்தைக்	கூடு-தெய்வ
	பத்தியே பாக்கியம்	பந்தயம் போடு-மதி
	18
	செபமின்றி நீபடுக்	காதே-நாளும்
	செபமின்றி யொருவேலை	நீ தொடுக்காதே-
	19
	மதியிது மதியிது பெண்ணே-புண்ய வதியல்ல வோநல்ல மகராசி கண்ணே.
	குரு வணக்கம்
	குருமாரை வணங்கிக்கொண்	டாடு-அவர்
	திருவாக்குக் கெதிர்வாக்	கில்லாமலே நாடு-மதி
	20
	நித்தமும் குருவின்க	டாக்ஷம்-பெற்ற
	சுத்தருக் கல்லவோ	சூக்ஷமத்தின் மோக்ஷம்-மதி
	21
	ஞான குருவுப	தேசம்-இல்லா
	ஈனருக் கில்லையே	யென்றும் ப்ரகாசம்-மதி
	22
	பூலோக வாழ்வெல்லாம்	நீங்கி-வந்த
	மேலோரைக் கைதொழ	வேண்டு நான்பாங்கி-மதி
	23
	அற்பருக் கூழியர்	நாமே-ஆதி
	தற்பர னூழியர்	சாமிகள் தாமே-
	24
	மதியிது மதியிது பெண்ணே-புண்ய வதியல்ல வோநல்ல மகராசி கண்ணே.