தாய் தந்தையர் வணக்கம்
	மாதா பிதாவை	வணங்கு-நாளும்
	ஆதாரமா யவர்	சொல்லுக் கிணங்கு-மதி
	25
	அறிவுரை
	தந்தைதாய் சாபம்பொல்	லாது-அவர்
	சிந்தைநொந்தால் மக்கள்	செல்வம் நில்லாது-மதி
	26
	மாதா பிதாவுக்கு	த்ரோகம்-செய்யும்
	பாதகரைச் சுற்றும்	பாவ மநேகம்-மதி
	27
	பெற்றவர் நேசத்தைத்	தேடு-அவர்
	குற்றத்தை நீக்கிக்	குணத்தைக் கொண்டாடு-மதி
	28
	தாய்தந்தைக் குதவாத	பிள்ளை-தன
	தாயுசும் வாழ்வு	மடியோடே கொள்ளை-மதி
	29
	கட்டியுனைவளர்க்க	நாமே-முன்பு
	பட்டபாடுகள் சொல்லப்	பாரதமாமே-மதி
	30
	உள்ளதாய் தந்தைக்குத்	தீங்கு-செய்யும்
	பிள்ளையைத் தன்பிள்ளை	யேபழி வாங்கும்-மதி
	31
	கடலைப்போல் மாதா	சகாயம்-அதற்
	குடல்செருப்பாத் தைத்துப்	போடுதல் ந்யாயம்
	32
	மதியிது மதியிது பெண்ணே-புண்ய வதியல்ல வோநல்ல மகராசி கண்ணே.
	அறிவுரை
	அடுக்குப்பானையை யுருட்	டாதே-வெகு
	துடுக்காகப் பலகாரங்	களைச் சுருட்டாதே-மதி
	33
	தங்கையைத் தொடையிற்கிள்	ளாதே-தம்பி
	பங்குப் பணியாரத்தைப்	பறித்துக்கொள்ளாதே-மதி
	34
	உன்னைப்போற் பிறரையும்	நேசி-தினம்
	பொன்னே ஞானபுத்	தகங்களை வாசி-மதி
	35