பெண்மதிமாலை
	அடக்கம் பொறுமைதயை	சாந்தம்-என
	நடக்கும் நற்குணங்களே	நாரிக்குப் பாந்தம்
	84
	மதியிது மதியிது பெண்ணே-புண்ய வதியல்ல வோநல்ல மகராசி கண்ணே.
	கணவன் பத்தி
	புருசன்மே லொழியாத	பத்தி-உள்ள
	தருமதேவதைக்கல்லோ	சகலமுஞ் சித்தி-மதி
	85
	கர்த்தாவே முதல்தெய்வம்	மானே-பின்பு
	பர்த்தாவல் லாலுண்டோ	பாக்கியந்தானே-மதி
	86
	துரைமகளானாலும்	பாரி-கொண்ட
	உரியவனுக்கவ	ளூழியக்காரி-மதி
	87
	காதலன் பக்ஷமே	லக்ஷம்-குணம்
	ஏதுமில்லாதவ	ளெட்டி விருக்ஷம்-மதி
	88
	ஆவித்துணைவன்மேற்	கோபம்-செய்யும்
	பாவியைக் கண்ணாலே	பார்த்தாலும் பாபம்-மதி
	89
	புருஷன் நல்வார்த்தைதட்	டாதே-முட்டும்
	எருதுபோல் நீசண்டைக்	கிடுப்புக்கட்டாதே-மதி
	90
	தேகமுஞ் சீவனும்	போலே-கொண்ட
	மாகணவனுடன்	வாழ்வது மேலே-மதி
	91
	செய்தநன்றி மற	வாதே-பர்த்தா
	வைதாலு மடித்தாலும்	வாய்திறவாதே-மதி
	92
	கணவன் மேற்பகை	மூர்க்கம்-செய்யில்
	குணமாகப் பேசிக்	குலாவுதல் மார்க்கம்-மதி
	93