கற்பு
	அருந்துணை வன்றனைத்	தூண்டு-அவன்
	திருந்தும்படி தினந்	தேவனை வேண்டு-மதி
	94
	மாமிமேல் வன்மங்காட்	டாதே-உன்றன்
	சாமிக்கு மாமிக்குஞ்	சண்டை மூட்டாதே-மதி
	95
	தலைவன் நெஞ்சைக்கரைக்	காதே-மாமி
	தலைமேலே நீமிள	காயரைக்காதே-மதி
	96
	நாத்திமேற் கச்சைகட்	டாதே-வெகு
	சாத்திரமாயவள்	தலையை வெட்டாதே-மதி
	97
	தலையணை மந்திரந்	தீது-கெட்ட
	கலகக்காரிகளுக்குக்	கட்டம் போகாது-மதி
	98
	வீட்டுக் கதிபதி	நீயே-வெளி
	நாட்டுக்கதிபதி யுன்	னாயகன் சேயே-மதி
	99
	மதியிது மதியிது பெண்ணே-புண்ய வதியல்ல வோநல்ல மகராசி கண்ணே.
	கற்பு
	கற்பு நிலையேசிங்	காரம்-அது
	தப்பினோ ரழகு	சவ அலங்காரம்-மதி
	100
	சீவன்போற் கற்பைக்காப்	பாற்று-யார்க்கும்
	சாவு தலைமேலே	சாமியைப் போற்று-மதி
	101
	அரைக்காசுக் கழிந்திட்ட	கற்பு-நூறு
	மரக்காற்பொன் கொடுத்தாலும்	வருமோ நீசெப்பு-மதி
	102
	அன்னிய னழகனா	னாலும்-கற்பின்
	மின்னிடையார்க்கவன்	விஷநாகம் போலும்-மதி
	103