பெண்மதிமாலை
	கணவன் குரூபி	யானாலும்-கொண்டா
	மணமக ளுக்கவன்	மன்மதன் போலும்-மதி
	104
	பேரைக் கெடுப்பவள்	பெண்டோ-இந்த
	ஊரைவாய் மூட	வுலைமூடி யுண்டோ-மதி
	105
	சரசங்கள் பேசிக்	கெடாதே-புவி
	அரசனை நம்பிப்புரு	சனைக் கைவிடாதே-மதி
	106
	வாசற்படி கட	வாதே-பிறர்
	ஆசைப்பட வொயி	லாய் நடவாதே-மதி
	107
	சிற்றின்பந்தா னரை	நொடியே-வரும்
	குற்றமும் பழிகளுங்	கோடிபொற் கொடியே-
	108
	மதியிது மதியிது பெண்ணே-புண்ய வதியல்ல வோநல்ல மகராசி கண்ணே.
	பாலரை வளர்த்தல்
	மக்களுக் கோரம்பண்	ணாதே-உன்றன்
	சக்களத்தி பிள்ளைக்குச்	சதிகளெண்ணாதே-மதி
	109
	பலபிள்ளை பெற்றென்ன	பாக்யம்-நன்மை
	இலையெனில் மலடியா	யிருப்பது யோக்யம்-மதி
	110
	புத்திரர்க் கன்புபா	ராட்டு-தெய்வ
	பத்தியும் புத்தியும்	பாலைப்போ லூட்டு-மதி
	111
	இளந்தையி லேகல்வி	போதி-மிக
	வளர்ந்தபின் அழுதாலும்	வருமோநன்னீதி-மதி
	112
	இளக்காரம் பாலர்க்குத்	தீமை-பின்பு
	வளர்த்தகடா மார்பிற்	பாய்ந்ததொப்பாமே-
	113