அனைவருக்கும் உதவுக
	மதியிது மதியிது பெண்ணே-புண்ய வதியல்ல வோநல்ல மகராசி கண்ணே.
	அனைவருக்கும் உதவுக
	ஆருக்குஞ் செய்யுப	காரம்-பல
	ஊருக்கும் நல்லவட்	குண்டோ விகாரம்-மதி
	114
	ஈயும் பிச்சையைத்	தடுக்காதே-உன்னைப்
	பேயென்றொருவர் சொல்லப்	பேரெடுக்காதே-மதி
	115
	துக்கமுள்ளோரை நீ	தேற்று-வரும்
	அக்குருடர் முடவர்	பசியைநீ யாற்று-மதி
	116
	தாய்போ லெளியரைத்	தாங்கு-வெறும்
	வாயுற வும்மன	வைரமும் நீங்கு-மதி
	117
	பிணியுடை யோரைநீ	தேடு-கட்டத்
	துணியுடன் காய்கறி	சோறு நீபோடு-மதி
	118
	பாத்திர மறிந்திடு	பிட்சை-தப்புத்
	தோத்திரஞ் செய்வோரை	துரத்துதல் சிட்சை-மதி
	119
	புத்தியில் லார்க்குநீ	போதி-தெய்வ
	பத்தியில் லார்க்குநீ	படிப்பித்தல் நீதி-மதி
	120
	நன்மையினாற்குறை	யேது-பெருந்
	தின்மைசெய் தோர்க்கும்நீ	செய்யாதே தீது-மதி
	121
	பூமியி லேழைபோல்	வேடம்-கொண்டு
	சாமியே வருவர் நீ	தள்ளுதல் தோடம்-மதி
	122
	நரக மோட்சங்கொண்டு	வருவார்-தீனர்
	தருவோர்க் கொன்றீவார்	தரார்க்கொன்று தருவார்-மதி
	123