பெண்மதிமாலை
	பல்வகை ஏழைகள்	நிமித்தம்-அத்தன்
	செல்வரைப் படைத்தனன்	செகத்தில் ப்ரசித்தம்-மதி
	124
	யாசகர்களை யுப	சரியே-சவர்க்க
	வாசலில் தொண்டைமானுந்	தோட்டியுஞ்சரியே-
	125
	மதியிது மதியிது பெண்ணே-புண்ய வதியல்ல வோநல்ல மகராசி கண்ணே.
	ஞானம்
	பூதல வாழ்வெல்லாம்	பொய்யே-இங்கே
	ஏதுமில்லாம லிறப்பது	மெய்யே-மதி
	126
	எத்தனை பேர்புவி	யாண்டார்-முன்னம்
	அத்தனை பேர்களும்	ஐயையோ மாண்டார்-மதி
	127
	பாட்டனார் பூட்டனா	ரெங்கோ-போக
	மாட்டோமென்றாலும்	மரணம் நம்பங்கே-மதி
	128
	பூமியே நாடக	சாலை-இதில்
	சாமிதந்தாரே சகலர்க்கும்	வேலை-மதி
	129
	வாவென்று தேவன்கை	யோலை-வந்தால்
	கோவென் றழுதாலுங்	கூடுவோ மேலை-மதி
	130
	ஆவியென்ப தொரு	மூச்சு-இது
	மேவி யொடுங்கினால்	வேறென்ன பேச்சு-மதி
	131
	எட்டிப்போ போவென்னும்	வீடு-கையைக்
	கொட்டிவா வாவென்று	கூப்பிடுங் காடு-மதி
	132
	பாழுடல் மாமிச	மூட்டை-இது
	வீழப் பலசெந்து	வுக்கு நல் வேட்டை-மதி
	133