பெண்மதிமாலை
	தோலு மெலும்புஞ்	சரீரம்-இதை
	மேலே மினுக்குவ	தாலென்ன சாரம்-மதி
	146
	செட்டிதட் டான்செக்கா	னாலே-வந்த
	ஒட்டழ கன்றிஉள்	ளதுவெறுந் தோலே-
	147
	மதியிது மதியிது பெண்ணே-புண்ய வதியல்ல வோநல்ல மகராசி கண்ணே.
	பாவம்
	மாற்றுவாய் பாவத்தை	நீயே-நல்ல
	காற்றுள்ள போதேநீ	தூற்றிக்கொள் வாயே-மதி
	148
	அகங்காரம் மோகம்	உலோபம்-பகை
	மிகுங்கோபம் பேருண்டி	சோம்புதல் பாபம்-மதி
	149
	மண்ணிலுண் டார்க்கொல்லும்	நஞ்சு-நெஞ்சில்
	எண்ணிடக் கொல்வது	பாவமே யஞ்சு-மதி
	150
	எவரையும் பாவம்	விடாதே-நிலம்
	அவரை விதைக்கத்	துவரை கொடாதே-மதி
	151
	பாவஞ்செய் யவிரும்பில்	அம்மா-ஆதி
	தேவனரு ளொழிந்து	தியங்குவாய் சும்மா-மதி
	152
	தீதுசெய் தால்நன்மை	தருமோ-வேம்பை
	நீதான் விதைக்கக்	கரும்புவ ருமோ-மதி
	153
	தையலே யுலகங்கண்	ணாடி-நாம்
	செய்வதை யேயது	செய்யு மே தேடி-மதி
	154
	வைவாரை வையுமே	யுலகம்-தீமை
	செய்வாருக் கேயது	செய்யுமே கலகம்-மதி
	155