:: TVU ::

	தூதன் பெண் பார்த்துவந்து சொல்லுதல்
	சகல காரியங்களுந் தெரிந்தவள் சலாக்யம் தரித்திர தசையிலு மவள்பெரும் பாக்கியம் இகபர மிரண்டுக்கு மவள்நல்ல யோக்கியம் என்று சொன்னான்வேத நாயகன் வாக்யம்
	(நல்ல) 10
	தூதன் பெண் பார்த்துவந்து சொல்லுதல்
	சௌராஷ்டிரராகம்]	[அடதாளசாப்பு
	பல்லவி
	பஞ்சவர்ணக் கிளிபோ லொருபெண்ணை நான் பார்த்து வந்தேன் சுவாமி
	அநுபல்லவி
	கொஞ்சமுஞ் சந்தேக மில்லாமலே அந்தக் கோல மயிலைநீர் கொள்ளும்-அநு கூலம் வந்ததென்று துள்ளும்-நல்ல காலங் கவலையைத் தள்ளும்
		(பஞ்ச)
	சரணங்கள்
	பூரணச் சந்திரன் போலுமு கத்துக்குப் பூமியி லுண்டோச மானம்-தெய்வப் பூவையர் சுந்தரம் வேண்டில் அவளிடம் போய்வாங்க வேண்டுமே தானம்-அந்த நாரிகண் வாய்செவி மூக்குக்கு வமையை நாட்டுவ துமதி யீனம்-அவள் நடையழ குக்குஞ்ச டையழ குக்குமே நானென்சொல் வேனுப மானம்-அந்த மானின்சொல் லோதேவ கானம்-இடை தானுண்டென் பதனு மானம்-நாறு மீனங்கண் ணெனிலவ மானம்
	(பஞ்ச) 1