இன்னும்,  தோழர்  சிங்காரவேல்  அவர்கள், தமிழ் எழுத்தோவியங்கள்
பலவற்றை   கையெழுத்துப்   பிரதியளவிலேயே  வைத்து  விட்டு  மறைந்தா
ரென்றும்,   அவை   பாதுகாக்கப்படாமல்   மறைத்தொழிந்தன    வென்றும்
அறிகிறோம்.

     பொதுவாக, விஞ்ஞான-பொருளாதார அறிவு நூல்களைத் தமிழில் எழுதி
வெளியிட்டு, புதுமையும் புரட்சியும் செய்த முதல்வர் தோழர்  சிங்காரவேலரே
யாவார்.    மீனவர்    சமூகத்தில்    தோன்றி,   சென்னை    செயிந்தோம்
கடற்கரைப்பகுதியில்  வாழ்ந்த  அப்பெரியாரின் வரலாறு தனிப்பெரும் நூலாக
எழுதப்பட   வேண்டிய   அளவுக்கு  விரிவானதாகும்.    அவர்,   தேசியப்
பாசறையிலே  அகில  இந்தியத்  தலைவராகவும்,  சோசலிசப்   பாசறையிலே
அகில உலகப்புரட்சி வீரராகவும் விளங்கிய தமிழராவார்.

     தோழர்  சிங்காரவேலர்,  'தொழிலாளர்-உழவர்  கெஜட்'(Labour Kisan
Gazatte)  என்ற  பெயரில்  1923ல்  வாரமிருமுறைப்   பத்திரிகையொன்றை
நடத்தினார்.  அதிலே  சோவியத் ருஷ்யாவின் சாதனைகள் பற்றித் தொடர்ந்து
எழுதி வந்தார்.

      சில  இதழ்கள்  வெளியான  பின்னர்,  அரசினரின் தடையால் அப்பத்
திரிகை நிறுத்தப்பட்டது. பின்னர், நண்பர்களின் பொருளுதவியைக்  கொண்டு,
மற்றொரு  பத்திரிகையைத்  துவக்கினார்.  அதனையும்  தடை செய்துவிட்டது
அரசு.

ஒரு குறை