இந்த வுலகத்தினிலே எந்தமொழி கற்றிடினும்

செந்தமிழெனெச் சிறந்ததில்லை

இது - முந்து தென்னிலத்திருந்த எல்லை

வழி - மோனை யெதுகையமை

தேனை நிகரினிமைப்

பாவே நூலும்

நாவு மேலும்.

இன்னிசையுடன் நடனம் பன்னிலம் இருந்திடினும்

இந்நிலமே மொழியொடு தோதும்

நன்று - கண்ணியே முத்தமிழ் என ஓதும்

தமிழ் - பொருளிலக்கண மொழி

அருளிலக்கிய வழி

உண்மை தேறும்

நன்மை கூறும்.

மண்ணுலகில் உயிரினம் எண்ணரிய பகுத்தறி

வொண்ணிய மாந்தனே உயர்திணையே

மிசை - விண்ணுலக வேந்துமில்லை இணையே

தமிழ் - உலகவழக்கும் இதை

இலக விளக்கி விடும்

குமரி நிலமே

எமரின் புலமே.