'சின்னம் அல்லாக் காலை யான'

    'எண்ணிடை யிட்டுச் சின்னங் குன்றியும்'

    எனச் சின்னம் என்பது கலிப்பாவின் ஓருறுப்புப் பெயராகத் தொல்காப்பியத்துட் கூறப்பட்டிருப்பதால் தமிழ்ச் சொல்லாத லறியப்படும்.

    குடை, கொடி முதலியவை அரச அடையாளங்களாதலின் சின்ன மெனப்படும்.

    தானம். தா + அனம் = தானம் - தாநம்.(வ)

    தா பகுதி, அனம் விகுதி.

    தேவதை. தேய் - (தேய்வு)-தேவன்.

    தேய்வு - (தேய்வம்) - தெய்வம். தேவு - தே.

    தேய்த்தல் = உரசுதல், கடைதல்.

    மூங்கில்கள் ஒன்றோடொன்று உரசுவதாலும், மக்கள் தீக்கடை கோலாற் கடைவதாலும் நெருப்புண்டாகும்.

    பொருள்கள் தேய்வதால் உண்டாவது தேயு.

    தேய் + உ = தேயு; தேயு - தே - தீ.

    தேய் - தே. தே + உ =  தேவு தேவு + அன் = தேவன். தீப்போல்வது தெய்வம்.

    தேவு-தேவம்-தேவதம்-தேவதை. தெய்வம்-தெய்வதம்.

    பரிபாகம். பரு-பரி, மிகுதிப் பொருளுணர்த்தும் உபசர்க்கம்.

பகு	+	அம்	=	பாகம், முதனிலை திரிந்து விகுதி பெற்ற தொழிற்பெயர்.
பகு	+	தி	=	பகுதி-பாதி.
பகு	+	அல்	=	பகல்-பால்.
பகு	+	ஐ	=	பகை.
பகு	+	அம்	=	பக்கம் பகுதியிரட்டித்து விகுதி பெற்ற
பகு	+	அல்	=	பக்கல் } தொழிற்பெயர்.
பகு	+	பு	=	பகுப்பு.
பகு	-	வகு
பகு	-	பகிர்+ ஐ	=	வகை-அகை.