செந்தமிழ்ச் சிவநெறியில், கடந்த மூவாயிரம் ஆண்டாகக் கலந்துள்ள பயனற்ற சொற்களையும் கருத்துகளையும் கதைகளையும் கொள்கை களையும் நீக்கித் தூய்தாக்கும் துணிவும், உலகியலினின்றும் மதவி யலைப் பிரித்துணராமையும், இறைவழிபாட்டிற் செய்யுஞ் சீர்திருத்தங் களும், உருவ வழிபாட்டிற்குச் சிறப்புக் கொடாமையும், "ஒன்றே குலமும் ஒருவனே தேவனும்" என்னும் உரத்த நம்பிக்கையும், சமயப் பொது நோக்கும், எல்லா மொழிகளும் மக்கள் மொழிகளே என்னும் மெய்யறி வும், அடிகளின் செம்பொருட் காட்சியாம்.

சான்றாண்மை

சான்றாண்மைக்கு உறுப்பாகிய அன்பு, நாண், ஒப்புரவு, கண் ணோட்டம், வாய்மை என்னும் ஐந்தும் அடிகளிடம் அமைந்துள்ளன.

பண்புடைமை

இரப்போன் முதற் புரப்போன் வரை அவரவர் மனப்பான்மையும் தகுதியும் அறிந்து, அதற்கேற்ப ஒழுகுதல் பண்புடைமையாகும்.

பண்பெனப் படுவது பாடறிந் தொழுகல் (கலித். 133)

நன்றாற்ற லுள்ளுந் தவறுண் டவரவர்
பண்பறிந் தாற்றாக் கடை; (குறள். 469)