உ-ம்:
     பிழை திருத்தம்
     வெட்க்கம் வெட்கம்
     முயற்ச்சி முயற்சி

     ளகரமெய் வல்லினத்தோடு புணரின் டகரமாகத் திரியும். ழகரமெய் சில மரூஉச் செற்களிலன்றித் திரிவதின்று.

உ-ம்: ஆள் + சி = ஆட்சி

     பிழை திருத்தம்
     (சூழ் + சி) சூட்சி சூழ்ச்சி

மொழியிறுதியெழுத்துகள் - Final Letters

     சட்சட், கப்கப் போன்ற இரட்டைக்கிளவிகளிலும் குறிப்புச் சொற்களிலுமன்றி, வல்லின மெய்களும் ஙகர மெய்யும் மொழியிறுதி வரவே வரா.

    குறிப்பு: பிற மொழிகளிலுள்ள சிறப்புப்பெயர்களும் ( Proper names ), கலைக்குறியீடுகளும் ( Technical Terms ), எழுத்துப் பெயர்ப்பில் ( Transliteration ) மொழி முதலிடை கடை பற்றிய தமிழ் விதிகட்கு மாறாக இயன்றவரை மூலமொழியொலி யொட்டி யெழுதப்படும்.

உ-ம்: லிங்க்கண், கலெக்ற்றர், ரஞ்சிட்சிங்

வடவெழுத்து - Sanskrit Letters

வடசொற்கள் தமிழில் வந்து வழங்கும்போது, சில எழுத்துக்கள் பின் வருமாறு திரியும்: