தக்கணம் - தக்ஷண (இ.வே.)

     தக்கு = தாழ்வு. தக்குத் தொண்டை = தாழ்ந்த குரல்.

     தக்கிலே பாடுகிறார் என்னும் வழக்கை நோக்குக.

     எச்சு(உயர்வு) X தக்கு.

     வடதிசை பனிமலையால் உயர்ந்திருத்தலால் உத்தரம் எனப் பெற்றது.

     "Uttara, northern (because the northern part of India is
high)"என்று மா. வி. அ. கூறுதல் காண்க.

     தக்கு - தக்கணம் = வடதிசையை நோக்கத் தாழ்ந்திருக்கும் தென்றிசை.

     கிழக்கு நோக்கும்போது தென்றிசை வலமும் வடதிசை இடமு
மிருப்பதால்,தக்கணம் என்னும் சொற்கு வலதிசைப் பொருளும் உத்தரம்
என்னும் சொற்கு இடதிசைப் பொருளும் தோன்றின.

     வலமாகச் சுற்றிவருதல் பிரதக்ஷிணம் என்று சொல்லப்படுதல் காண்க.

தக்கோலம் - கக்கோல

     தக்கோலம் = ஒரு நறுமணச்சரக்கு. க. தக்கோல.

     தக்கோலம் பஞ்சவாசம் என்னும் ஐம்மணங்களுள் ஒன்றாகவும் முப்பத்திருவகை ஓமாலிகைகளுள் ஒன்றாகவும் கூறப்பெறும்.

     "இலவங்கம்...... தக்கோலம்......... ஓமாலிகை" (சிலப்.6:77,உரை).