விளி எனப் பொருள்பற்றியும்; பெயர், ஐ, ஒடு, கு, இன், அது,
கண், விளி என உருபுபற்றியும் பெயர்பெறும்.

     வடமொழியில் எட்டாம் வேற்றுமை எண்ணாற் பெயர் பெறா
திருப்பதும் கவனிக்கத்தக்கதாம்.

     கால்டுவெலார் தொல்காப்பியத்தையும் தமிழின் முன்மை யையும்
அறியாமையால், மூலத்தைப் படியாகவும் படியை மூலமாகவும்
பிறழவுணர்ந்து, தமிழ்வேற்றுமையமைப்பு வடமொழி வேற்றுமை
யமைப்பைப் பின்பற்றியதென்று தலைகீழாகக் கூறிவிட்டார்.

     தமிழ் இயன்மொழியாதலால் அதில் முதல் வேற்றுமைக்கு
உருபில்லை; சமற்கிருதம் திரிமொழியாதலின், அதற்கு அஃதுண்டு.

     வடசொற்கள் ஈற்றிற் கேற்ப வேற்றுமையுருபுகள் சிறிதும் பெரிதும்
வேறுபடும். இங்கு அகரவீறொன்று காட்டப்பெறும்.

ராம (வேற்றுமைப்படா வடிவு)

     3ஆம் 4ஆம் 5ஆம் வேற்றுமைகளிலும் 6ஆம் 7ஆம்
வேற்றுமைகளிலும் இருமை வடிவும், 4ஆம் 5ஆம் வேற்றுமைகளிற்
பன்மை வடிவும், எல்லா ஈற்றுப் பெயர்கட்கும் பெரும்பாலும் ஒத்தே
யிருக்கும்.

     வடமொழியிற் பெயரெச்சங்களும் (விசேஷணங்களும்)
வேற்றுமைப்படும்.

     அஸ்ய என்னும் 6ஆம் வேற்றுமை யொருமை யுருபு, உடைய
என்னும் சொல்லுருபின் திரிபாயிருக்கலாம்.

(2) வினைச்சொல் (திஙந்த)

     தாது என்னும் முதனிலையொடு கால வெண் ணிடங் காட்டும்
ஈறுசேரின் வினைப்பதமாம். அது திஙந்தம் எனப்படும். ங் என்பது