| 1. |
தேவ
மொழியொன்று தேரின் உலகிலில்லை
யாவும் நிலமக்கள் யாத்தனவே - சாவினால்
தெய்வ நிலைமையெனின் தேவ ருலகினையே
எய்தி விடுதல் இயல்பு. |
| |
|
| 2. |
ஆரியம்
தேவமொழி யாகு மெனின்மேலை
யாரிய மெல்லாம் அதுவாகும் - ஆரிய
நான்மறை தெய்வமெனின் நானிலத் தேனைமொழி
நூன்மறை மேலாம் நுவல். |
| |
|
| 3. |
இந்திய
ஐரோப் பியமென்னும் மாமரத்தின்
முந்திய ஆணிவேர் முத்தமிழாம் - பிந்திய
உச்சாணிக் கொம்பே உரப்பும் வடமொழியாம்
அச்சேது மின்றி யறை. |
| |
|
| 4.
|
இயல்பே
திரிபே யெனுந்தமிழின் பாங்கில்
இயல்பே தமிழாகும் என்க - அயலாம்
திரிபே திரவிடமாம் தேரினதன் முற்றே
மருவும் வடமொழி மாண்பு. |
| |
|
| 5. |
வடமொழியே
தெய்வ வகைமொழியேல் அந்த
மடமொழியின் மூலந் தமிழாம் - திடமொழி
தெய்வத்தின் தெய்வத் திருமொழி யென்றின்றே
உய்வுற்றுச் சீராக வோம்பு. |
| |
|
| 6. |
சொற்பொருள்
யாப்புஞ் சுவையாம் அணியியலும்
நற்புல நூலுமே நல்வளமாம் - வற்பொலியின்
மூச்சுங் கனைப்பும் மொழியின் சிறப்பாயின்
ஓச்சங் கழுதை யுலகு. |
| |
|
| 7. |
எல்லா
வகையாலும் எண்ணினா லிவ்வுலகில்
எல்லேர் தமிழுக் கிணையில்லை - அல்லாச்
சிறந்த மொழியெல்லாம் செந்தமிழ்போ லன்றி
இறந்த மொழியாகும் இன்று. |