பசு - பாசு - பாசம் (moss). பாசு - பாசி = பாசம், பச்சைப்பயறு.

துள் - துளிர் - தளிர்.

பசு - (பசி) - (பயி) - பை. பைமை = பசுமை, இளமை, மென்மை.

“அகர இகரம் ஐகார மாகும்”                                   (தொல். 54)

பை - பைத்து = பசுமை. பை - பையல் = இளைஞன், சிறுவன்.

பையல் - பையன்.

பையல் - பயல் - பயன் - பசன்.

பை - பைது - பைதல் = பையன், குழவி.

பை - பயிர் = பச்சையான புல்செடிகொடி. பயிர்பச்சை, பைங்கூழ் என்பன வழக்கு.

பை - பயறு = பச்சைப்பயறு, பிறபயறு, பயறு, பயறுபச்சை என்பது வழக்கு. பயறு - பயறி = பயற்றம்மை.

(6) மென்மை

இளமையில் எவ்வுயிரியும் மென்மையாயிருப்பதால், இளமைக் கருத்தில் மென்மைக் கருத்தும் தோன்றும். குதலை = மென்மை, மென்மொழி.

மழ - மழமழப்பு = மென்மை. மழலை = மென்மை, மென்மொழி.

மழறுதல் = மென்மையாதல்.

மழ - மத - மட - மடம் = மென்மை.

பைமை = பசுமை, இளமை, மென்மை.

பைய = மெல்ல. பையப் பைய - பயப்பய - பைப்பய.

பை - பையா. பையாத்தல் = சிறுமைப்படுதல், துன்பத்தைத் தாங்கமுடியாவாறு மென்மையாதல், துன்புறுதல். பையுள் = துன்பம்.

(7) முன்தள்ளிவருதல்

தோன்றிய பொருள் முன்னாக நீண்டுவருதல் முன் தள்ளி வருதலாகும்.

துந்து - துந்தி = முன்தள்ளிய வயிறு. துந்தி - தொந்தி.

துருத்துதல் = முன்தள்ளுதல். வயிறு துருத்திக்கொண்டிருக்கிறது என்பது தென்னாட்டு வழக்கு.