எ-டு: அள் - (அய்) - ஐ = கூர்மை, நுண்மை.

     அய் - அயில் = கூர்மை.

     தள் - (தய்) - தை. தைத்தல் = குத்துதல்.

     தய் - தயிர் = பிரை குத்தப்பட்டுத் திரைந்த பால்.

     வள் - (வய்) - வை = கூர்மை.

இங்ஙனம், ள் - ய் அல்லது ள - ய திரிபு பல யகர மெய்யீற்றுச் சொற்களின் வரலாறுணர்த்தும் திறவுகோலாகும். அய் என்னும் அசை ஐகாரப் புணரொலியாகக் கொள்ளப்பட்டது ‘ஐ’ என்னும் வரிவடி வெழுந்த பிற்காலத்ததாகும்.

3. சொன்முதல்

தோன்றுதல் முதல் துருவுதல் ஈறாகச் சொல்லப்பட்டுள்ள பற்பல பொருள்களையுங் குறிக்கும் ஊகாரச் சுட்டடிச் சொற்கள், பெரும் பாலும் உகரமுதலவாகவும், உகர மோனை முதலவாகவும், சிறு பான்மை அதன் திரிபான அகர இகர எகர முதலவாகவும், இருக்கும்.

எ-டு: