சுருள் - சுருளை - சுருணை.

சுருள் - சுருட்டு - சுருட்டை - சுருண்ட மயிர். சுருட்டு = சுருட்டப்பட்டது. சுருட்டு - சுருட்டி.

(சுரு) - சுரி. சுரிதல் - சுருள்தல்.

“சுரியிரும் பித்தை”                                             (பொருந. 160)

சுரிதல் = சுழிதல்.

“வெள்ளைச் சுரிசங்கொடு”                                (திவ். திருவாய். 7:1:3)

சுரிமுகம் = சங்கு.

சுரி = உடம்புச் சுழி.

“சுரிநெற்றிக்காரி”                                                (கலித். 101)

சுரி - சுரியல் = நீர்ச்சுழி. சுரி - சுரிந்து = நீர்ச்சுழி.

சுள் - சுழி = உடம்புச்சுழி, அதையுடையவன் செய்யுங் குறும்பு, நீர்ச்சுழி.

புள் - புரி. புரிதல் = சுருள்தல்.

“புரிக்குழன் மடந்தையர்”                                        (சீவக. 2688)

புரிதல் = சுழிதல். புரி = சங்கு.

“புரியொருகை பற்றி”                                        (திவ். இயற். 1:31)

வலம்புரி = வலமாகச் சுழிந்த சங்கு. இடம்புரி = இடமாகச் சுழிந்த சங்கு.

முள் - முட - முடங்கு - முடங்கல் = ஓலைச்சுருள், திருமுகம்.

முடங்குதல் = வளைதல், சுருள்தல்.

முள் - வள் - வளை = சங்கு. வளைதல் =சுழிதல்.

வள் - வண்டு = சங்கு. வண்டு - வண்டல் = நீர்ச்சுழி.

வள் - வாள் - வார் - வாரணம் = சங்கு.

iv. சுற்றுதல்

சுற்றுதலாவது, ஒன்று இன்னொன்றைச் சுற்றிவருதல் அல்லது வட்டமிடுதல்.

உல் - அல் - ஆல். ஆலுதல் = சுற்றி ஆடுதல்.

ஆல் - ஆலா = வானத்தில் வட்டமிட்டுப் பறக்கும் பறவை.