| ஆங்கில நாட்டுக்குச் சென்றவர்கள்-பலர்
அருமைக் குணங்களை விட்டுவிட்டுத்
தீங்கான வழிகளில் சென்றதனால்-மிகச்
சீரழிந் தாரெனக் கூறினரே.
அன்னை உரைத்ததைக் கேட்டதுமே-அவர்
அருகினில் சென்றுநம் காந்தியுமே,
“என்னைநீ நம்பிட வேண்டுமம்மா-நான்
என்றும் ஒழுங்காய் இருப்பேனம்மா.
மாமிசம் சாப்பிட மாட்டேனம்மா-தீய
வழிகளில் செல்லவே மாட்டேனம்மா.
சாமிக்குப் பொதுவாகச் சொன்னேனம்மா-இது
சத்தியம், சத்தியம், சத்தியமே.”
என்றதும் அன்னை மகிழ்ந்தனரே-உடன்
இணங்கினர் மகனை அனுப்பிடவே.
அன்னையின் அனுமதி பெற்றதுமே-காந்தி
அளவில்லா ஆனந்தம் கொண்டனரே. |