சொல்	அருஞ்சொற்பொருள்
வட்டாடுதல்	வட்டை உருட்டிச் சூதாடுதல் .
வட்டாணி	திறமை .
வட்டாரம்	காற்றுப்பகுதி ; வீட்டின் சுற்றுப்புறம் ; வீடு ; தானியக்களஞ்சியம் .
வட்டி	கடகப்பெட்டி ; கூடை ; ஒரு படி அளவு கொண்ட முகத்தலளவை ; பலகறை ; வழி ; கிண்ணம் ; கருவுற்றாளுக்கு உண்டாகும் மயக்கம் ; ஒரு விருதுவகை ; பணத்தைப் பிறன் பயன்படுத்தியதற்காக உடையவன் பெறும் ஊதியம் ; இலாபம் .
வட்டிக்குவட்டி	வட்டித்தொகைக்குக் கொடுக்கும் மேல்வட்டி ; வட்டியை முதலோடு சேர்த்துக் கணக்கிட்டுக் கொடுக்கும் வட்டி .
வட்டிகை	சித்திரம் எழுதுங் கோல் ; சித்திரம் ; சுற்றளவு ; வட்டம் ; கைம்மணி ; கூடை ; ஒரு விருதுவகை ; ஓர் ஓடவகை ; நால்வகைச் சாந்தினுள் ஒன்று .
வட்டிகைப்பலகை	ஓவியனுக்குப் பயன்படும் வண்ணக்குழம்பு வைக்கும் பலகை .
வட்டிகைப்பாவை	சித்திரப்பதுமை .
வட்டித்தல்	வட்டமாதல் ; சுழலுதல் ; உறுதிமொழி யெடுத்தல் ; தாளம்போடல் ; தோள் புடைத்தல் ; சுழற்றுதல் ; உருட்டுதல் ; பரிமாறுதல் ; கட்டுதல் ; எழுதுதல் ; வளைத்தல் ; கடிதல் .
வட்டிப்பு	வட்டம் ; சூள் .
வட்டியில்லாக்கடன்	வட்டியின்றிக் கொடுக்குங் கடன்தொகை ; திருப்பிச்செய்தலை எதிர் நோக்கிக் கொடுக்கும் நன்கொடை ; மொய் .
வட்டில்	கிண்ணம் ; உண்கலம் ; ஒரு படி அளவு கொண்ட முகத்தலளவை ; நாழிகைவட்டில் ; அம்புக்கூடு ; கூடை ; வழி ; ஒரு விருதுவகை ; அப்பளஞ் செய்யுமாறு உருட்டிவைக்கும் மாவுருண்டை .
வட்டிற்பூ	தாமரைப்பூ .
வட்டினி	பந்தயப்பொருள் .
வட்டு	சூதாடுங் கருவி ; திரட்சி ; திரண்ட பொருள் ; நீர்வீசு கருவிகளுள் ஒன்று ; ஒரு விளையாட்டுக் கருவிவகை ; அப்பளஞ் செய்யுமாறு உருட்டிவைக்கும் மாவுருண்டை ; முள்ளிச்செடி ; சிறுதுணி ; கண்டசருக்கரை ; குடையில் கம்பிகள் கூடுமிடம் .
வட்டுடை	முழந்தாளளவாக உடுக்கும் சிறப்புடை ; ஆடை .
வட்டுப்போர்	சூதாட்டம் .
வட்டுவப்பை	வெற்றிலை முதலியனவைக்கும் பை ; மருந்துப்பை ; பையின் உட்பை .
வட்டுவம்	வெற்றிலை முதலியனவைக்கும் பை ; மருந்துப்பை ; பையின் உட்பை .
வட்டெலி	மரவெலி .
வட்டெழுத்து	பழைய தமிழெழுத்து .
வட்டை	வழி ; சக்கரத்தின் மேல் வளைமரம் ; தேர் ; வயல் ; பெருங்காடு ; திக்கு ; மலை வட்டைமரம் ; மரவட்டைவகை ; நாட்டுப்பகுதி ; புலியின் உடல்வரி ; அகன்று வட்ட வடிவமாயமைந்த பக்காப்படிவகை .
வட்புலி	அரிமா .
வடக்கயிறு	ஏர்நாழிக்கயிறு ; தேர் முதலியவற்றை யிழுக்குங் கயிறு .
வடக்கிருத்தல்	உயிர்துறக்குந் துணிவுடன் வடக்கு நோக்கியிருந்து உயிர்விடுதலை மேற்கொள்ளுதல் .
வடக்கு	நான்கு திசையுள் ஒன்று .
வடக்குநோக்கி	காந்தவூசி .
வடக்குமலையான்	காண்க : வடமலையான் .
வடகம்	கறிப்பொருள்களை அரைத்த மாவுடன் சேர்த்து வெயிலில் உலர்த்திய சிறிய உருண்டை ; வற்றல் ; மேலாடை ; துகில்வகை ; காண்க : வடகு .
வடகயிலை	வெள்ளியங்கிரி .
வடகலை	வடமொழி ; வடமொழிநூல் ; வைணவப் பிரிவினர் ; வடகலை வைணவர் தரிக்குந் திருமண்காப்பு .
வடகாற்று	வாடை .
வடகிரி	மேருமலை .
வடகிழக்கு	வடக்குங் கிழக்குஞ் சேருங் கோணத்திசை .
வடகீழ்த்திசை	வடக்குங் கிழக்குஞ் சேருங் கோணத்திசை .
வடகீழ்த்திசைப்பாலன்	ஈசானன் .
வடகு	தோல் .
வடகோடு	பிறைச்சந்திரனின் வடக்குமுனை .
வடசொல்	காண்க : வடமொழி .
வடதளம்	ஆலிலை .
வடதிசைப்பாலன்	குபேரன் .
வடதுருவம்	வடக்கிலுள்ள முனை .
வடந்தை	வடதிசையில் உள்ளது ; வடகாற்று .
வடந்தைத்தீ	பெண்குதிரை முகத்தின் வடிவோடு கடலுக்குள் தங்கியிருந்து ஊழி முடிவில் மேலே கிளம்பி உலகத்தை எரித்து விடுவதாகக் கருதப்படுந் தீ .
வடநூல்	வடமொழியிலுள்ள நூல் .
வடபல்லி	தலைக்கோலத்திற் புல்லகமென்னும் அணிகலன் .
வடபுலம்	வடநாடு ; உத்தரகுரு .
வடபூமி	வடநாடு .
வடபொழில்	வடக்கிலுள்ள நாட்டுப்பகுதி .
வடம்	கனமான கயிறு ; தாம்பு ; வில்நாண் ; மணிவடம் ; சரம் ; ஒழுங்கு ; ஆலமரம் ; மண்டலம் ; பலகை .
வடமகீதரம்	காண்க : வடகிரி .
வடமரம்	ஆலமரம் ; கப்பலின் நடுவிலிருக்கும் பாய்மரம் .
வடமலை	மேருமலை ; இமயமலை ; திருப்பதிமலை ; மந்தரமலை .
வடமலையான்	திருப்பதித் திருமால் .
வடமீன்	அருந்ததி ; துருவமீன் .
வடமூலகன்	சிவன் .
வடமேரு	மேருமலை .
வடமேற்றிசைக்குறி	கழுதை .
வடமேற்றிசைப்பாலன்	வாயு .
வடமொழி	சமஸ்கிருதம் .
வடரம்	தலைச்சீலை ; பாய் .
வடலி	இளம்பனைமரம் .
வடவர்	வடநாட்டார் .
வடவரை	மேருமலை ; மந்தரமலை .
வடவளம்	வடநாட்டில் விளைந்த பண்டம் .
வடவனல்	காண்க : வடந்தைத்தீ .
வடவனலம்	காண்க : வடந்தைத்தீ .
வடவாக்கினி	காண்க : வடந்தைத்தீ .
வடவாமுகம்	காண்க : வடந்தைத்தீ .
வடவாமுகாக்கினி	காண்க : வடந்தைத்தீ .
வடவானலம்	காண்க : வடந்தைத்தீ .
வடவு	மெலிவு .
வடவேங்கடம்	திருப்பதிமலை ; வடமலை .
வடவை	பெண்குதிரை ; காண்க : வடந்தைத்தீ ; அடிமைப்பெண் ; குதிரைச்சாதிப் பெண் ; எருமை ; பெண்யானை .
வடவைக்கனல்	காண்க : வடந்தைத்தீ .