மாதுளை

வேறு பெயர்கள் : மாதளை, மாதுளங்கம், தாடிமம், மாதுளம்

ஆங்கிலப் பெயர் : Pomagranate

தாவரவியல் பெயர் : Punica granatum .

செய்கைகள் (Actions)

துவர்ப்பி - Astringent
குருதிப்பெருக்கடக்கி - Styptic
ஆண்மைப் பெருக்கி - Aphrodisiac

மருத்துவப் பயன்கள் :

- மாதுளம் பூ மொட்டை உலர்த்திப் பொடித்து உள்ளுக்கு அருந்த இருமல் தீரும்.

- மாதுளம் பூவின் சாறு, அறுகம்புல்லின் சாறு இரண்டும் சமமாகக் கலந்து அருந்த மூக்கிலிருந்து வடியும் குருதி நிற்கும்.

- மாதுளம் பூச்சூரணம் 4 கி, வேலம் பிசின் 4 கி, அபின் 200 மி.கி சேர்த்து கலந்து கொண்டு 300 மி.கி அளவு சாப்பிட குருதிக் கழிச்சல், இரத்த மூலம் தீரும்.

- மாதுளம் பட்டைச் சாறை உள்ளுக்குக் கொடுக்க வயிற்றுப்புழுவைக் கொல்லும்.

- மாதுளை மணப்பாகு அழலைப் போக்கும். உடலுக்குக் குளிர்ச்சி தரும். சுரத்தில் காணும் தாகம் தீர்க்கும்.

- மாதுளம் பழத்தை உண்டு வந்தால் ஆண்மை பெருகும்.

- மாதுளை வேர்ப்பட்டை, விதைப்பொடி சமஅளவு சேர்த்துப் பொடித்து காலை, மாலை உண்டு வர பிள்ளைப் பேறு உண்டாகும்.