| 3.2 மேலும் சில இடைச்சொற்கள் |
(அ) இதுவரை கண்டவை அல்லாத, பெரும்பாலும் செய்யுளில் வருகின்ற சில இடைச்சொற்களையும் அவற்றின் பொருள்களையும் சில எடுத்துக்காட்டுகளுடன் அட்டவணையிற் காணலாம். |
| இடைச் சொல் |
பொருள் |
எடுத்துக்காட்டு |
|
தில் | ஆசை, காலம், ஒழிந்த சொல்லின் பொருள் (சொல்லாமல் விட்டுப் போன பொருள்) |
“அரிவையைப் பெறுகதில் அம்ம யானே” (தலைவியைப் பெறுவேனாக என்ற ஆசையை உணர்த்துகிறது.) |
|
மன் | ஒழிந்த சொல்லின் பொருள், ஆக்கம், கழிதற் பொருள், மிகுதிப் பொருள், நிலை பெறுதற் பொருள், இவற்றுடன் அசை நிலையாகவும் வரும். |
“கூரியதோர் வாள் மன்” இப்போது ஒடிந்து விட்டது எனும் ஒழிந்த சொற்பொருளை உணர்த்துகிறது. |
|
மற்று | வினையை மாற்றுதற் பொருள், வேறு என்னும் பொருள் ஆகியவற்றைத் தரும். அசை நிலையாகவும் வரும். |
“மற்றொன்று சூழினும்” - வேறொன்று எனும் பொருளை உணர்த்துகிறது. |
|
மற்றை | முதலில் சொன்ன பொருளுக்கு இனமான பொருளைக் குறிப்பது |
இரண்டு ஆடைகள் உள்ளன. ஒன்றைக் கொடுக்கும்போது ‘மற்றையது கொண்டுவா’ என்றால் முதலில் கண்ட பொருளுக்கு இனமான மற்றொரு ஆடையைக் குறிக்கும். |
|
கொல் | ஐயப்பொருள் தரும் அசைநிலையாகவும் வரும் |
அவன் கண்ணன் கொல் முருகன் கொல் - ஐயப் பொருள். |
|
அந்தில் ஆங்கு | இடப்பொருள் தரும். அசை நிலையாகவும் வரும் |
“ஆங்காங்கு ஆயினும் ஆக”- இடப்பொருள் |
|
அம்ம | ‘கேளுங்கள்’ எனும் பொருள் தரும். உரையசையாகவும் வரும் |
“அம்ம வாழிதோழி” ஒன்று சொல்கிறேன், கேள் எனும் பொருள் அமைந்துள்ளது. |
| ஆ) மேலே காட்டப் பெற்றவை அன்றி நன்னூல் உரையாசிரியர் காட்டும் வேறு சில இடைச்சொற்களும் உண்டு. அவற்றுள் சிலவற்றைக் காணலாம். 1) சுட்டு, வினா = சுட்டுப்பொருளை உணர்த்தும் அ, இ, உ என்பனவும், வினாப் பொருளை உணர்த்தும் எ, ஏ, யா, ஆ, ஓ என்பனவும் இடைச்சொற்களே ஆகும்.
2) முன், பின் எனும் இடைச்சொற்கள் காலப் பொருளையும் இடப் பொருளையும் தருவன.
3) இனி எனும் சொல் கால, இடங்களின் எல்லைப் பொருளைத் தருவது. எடுத்துக்காட்டு
|
| 4) | ஐயோ, அந்தோ எனும் சொற்கள் : |
இவை இரக்கப் பொருள் தருவன. ஐயோ - அச்சப் பொருளும் தருவது |
| 5) | சீ, சிச்சீ எனும் சொற்கள்: |
இவை இகழ்ச்சிப் பொருள் தருவன. |