அசை, சீர் என்பவற்றின் பெயர்க் காரணங்களை அறியலாம்.

அசை அமையும் வகை; அசையின் வகை; சீரின் வகை, சீர்கள் பெறும் பலவகைப் பெயர்கள், பெயர்கள் அவ்வாறு வழங்கப்படுவதற்கான காரணங்கள் போன்றவற்றைப் பற்றி அறியலாம்.

அலகும் அலகிடும் முறையையும் அறிவதால், பாக்கள் இன்ன வகையின எனப் பிரித்தறியும் பயனை எய்தலாம்.

மெய்யெழுத்தின் மாத்திரையளவைக் கண்டு, அதனை அலகிடுங்கால் கணக்கில் கொள்ளாவிட்டாலும், அது, அசையெல்லையாகக் கொள்ளப் பெறுவதை அறியலாம். அறிந்து, ‘ஒன்றில் சிறியர் ஒன்றில் பெரியர்’ என வோர்ந்து வாழ்வை இன்னிதின் நடத்தலாம்; தன்னம்பிக்கை கொள்ளலாம்.

‘வாய்பாடு’களைக் கொண்டு அமைத்துத் தந்த முன்னோர்களின் உதவி செய்யும் தன்மையை உணரலாம்.