பா இனம் என்று சொல்லப்படுகின்ற தாழிசை, துறை, விருத்தம் என்னும் யாப்புகளின் இலக்கணம் இப்பாடத்தில் விளக்கப்பட்டுள்ளது. வெண்பாவின்     இனங்களும் ஆசிரியப்பாவின் இனங்களும் மட்டுமே இப்பாடத்தில் தரப்பட்டுள்ளன. பா வகைகளும் பா இனங்களும் வேறு வேறு என்ற தெளிவுடன் இப்பாடக் கருத்துகளை அணுகவேண்டும் என்ற இன்றியமையாத முன் குறிப்புத் தரப்பட்டுள்ளது. பா இனங்கள் அவ்வப் பாக்களோடு கொண்டுள்ள மேலோட்ட ஒப்புமைகள் சுட்டிக் காட்டப்பட்டுள்ளன.