• பொய்கையாழ்வார், பூதத்தாழ்வார், பேயாழ்வார் ஆகிய மூவரையும் முதலாழ்வார்கள் எனக் குறிப்பிடுவது
  வைணவ மரபு. இம்மூவரும் திருமாலின் மீது கொண்ட
  தீராக் காதலால் திருமாலின் அவதாரங்களையும் பல்வேறு
  அவதாரப் பெருமையையும் விளக்கி இன்பங்
  காண்கின்றனர்.

• திருமழிசை ஆழ்வார் திருமாலிடம் கொண்ட அளப்பரிய காதலால் யாதுமாகி நின்ற திருமாலை மீண்டும் மீண்டும் கவிப்பொருளாக்கி மகிழ்கிறார்.

இவர்களின் பக்தியுணர்வால் பாசுரங்கள் தோன்றித் தமிழ்
மேலும் வளம் பெற்றதை விளக்குகிறது இப்பாடம்.

• முதல் மூவர் என்று அழைக்கப்படும் ஆழ்வார்களை அடையாளங் காணலாம்.

• முதல் மூவர் அருளிய அந்தாதித் தொடையில் அமைந்த
  திவ்யப் பிரபந்தங்களின் வழி அவர்கள் காட்டும் பக்திச் செழுமையைச் சுட்டிக் காட்டலாம்.

• திருமழிசை ஆழ்வார் அருளியவற்றுள் அகப் பொருள்
  துறையில் அமைந்த பாசுரம் இருப்பதைத் தொகுத்துக் கொள்ளலாம்.

• இந்த நான்கு ஆழ்வார்களின் அருளிச் செயல்களைப்
  பட்டியலிடலாம்.

• சாதாரண மனிதர்கள் பயன்படுத்தும் சொற்களின் பொருள் அல்லது அகராதி காட்டும் பொருள,் பக்தி இலக்கியத்துள் பல்வேறுபட்ட பொருள்களைத் தருவதைப் பகுத்துத்
  தொகுத்துக் கொள்ளலாம்.