பல்லவர்கள் பெரும்பாலும் புராணங்களை அடிப்படையாகக் கொண்டே சிற்பங்களை எடுப்பித்துள்ளனர் என்பதை மேற்கண்ட பல சான்றுகளிலிருந்து அறியலாம். சைவம், வைணவம், சாக்தம் (சக்தி வழிபாடு)     ஆகிய     மதங்களுக்குச் சமவாய்ப்பு அளிக்கப்பட்டது.

பல்லவரின் சிற்பங்கள் மெலிந்த, நீண்ட உடல் அமைப்பையும் பரந்த மார்பையும், குறுகிய இடையையும் கொண்டவை. இச்சிற்பங்களின் மகுடங்கள் கூம்பு வடிவமாகவும் நீண்டும் இருக்கும். பூணூல் வலத் தோளின் மேல் செல்வதாக அமைந்திருக்கும். அணிகலன்கள் குறைவாக இருக்கும். மகுடங்கள் மற்றும் தலையலங்காரங்கள் அலங்காரமின்றி எளிமையாக அமைந்திருக்கும்.     உருவங்கள்     மென்மையானவையாகக் காணப்படும்.