ஆழ்வார்கள் ஈரத்தமிழில் பாடிய தெய்வப்பனுவல்கள்
திராவிட வேதம் என்று சிறப்பிக்கப்படுகின்றன. (ஈரம் = அன்பு)
வடமொழி வேதங்களைக் காட்டிலும் அருளிச் செயல்களுக்குத்
தனி ஏற்றம் உண்டு. ‘வேதங்களினால் கலங்கின ஞானமே
உண்டாகும் என்றும், ஆழ்வார்களின் திவ்வியப் பிரபந்தங்களைக்
கொண்டே அதனைத் தெளிவுபடுத்திக் கொள்ளவேண்டும்
என்றும்’ துணிந்துரைத்தார் வேதாந்ததேசிகர்.

என்பது அவர் வாக்கு.

‘அல்ப ஞானிகளால் கலங்கின வேதமானது உண்மை
ஞானத்துக்குத் துறையான ஆழ்வார் பக்கலிலே சேர்ந்து
ஆழ்பொருளை அறிவித்தது’ என்றார் அழகிய மணவாளப்
பெருமாள் நாயனார். அவரே, ஆசாரிய ஹிருதயம் என்னும்
நூலில் வேதத்தில் உபநிஷதம் போலத் தமிழ் மறையில்
திருவாய்மொழி சிறப்புடையது என்றும் குறிப்பிட்டார்.