Tamil Virtual University

4.4 இல்லறத்தாரின் ஒழுக்கங்கள்

மாணவர்களே! சமணத் துறவிகளின் 28 ஒழுக்கங்களைப்
பற்றி அறிந்து கொண்ட நீங்கள் இப்பொழுது சமண சமயத்தில்
இல்லற (குடும்ப) வாழ்வில் ஈடுபட்டுள்ளவர்களின் 10 ஒழுக்கங்கள்
பற்றித் தெரிந்து கொள்ளப் போகின்றீர்கள்.

பத்து ஒழுக்கங்களாவன:

1.	கொல்லாமை	-	உயிர்க் கொலை செய்யாது இருத்தல்.
2.	பொய்யாமை	-	பொய் பேசாது உண்மையே பேசுதல்.
3.	கள்ளாமை	-	பிறர் பொருளைக் களவாடாமல் (திருடாமல்) இருத்தல்.
4.	பிறன் மனை விரும்பாமை	-	பிறரின் மனைவியை மனத்தால் கூட நினைக்காமை.
5.	பொருள் வரைதல்	-	அளவாகப் பொருளைச் சேர்த்தல்.
6.	கள் உண்ணாமை	-	கள் (மது) உண்ணாமல் இருத்தல்.
7.	ஊன் உண்ணாமை	-	ஊன் (இறைச்சி) உண்ணாமல் இருத்தல்.
8.	தேன் உண்ணாமை	-	தேன் உண்ணாமல் இருத்தல்.
9.	இரவு உண்ணாமை	-	இரவு நேரத்தில் உண்ணாமல் பகல் பொழுதில் மட்டுமே உண்ணுதல்.
10.	பெரியோரை வணங்குதல்	-	தீர்த்தங்கரர் உள்ளிட்ட பெரியோரை வணங்குதல்.

இப்பத்து ஒழுக்கங்களையும் சமண சமய இல்லறத்தார்
தவறாது பின்பற்றி நடக்க வேண்டும். அதுபோல் சமணத்
துறவிகள் மேலே கூறிய 28 ஒழுக்கங்களையும் தவறாது பின்பற்றி
நடக்க வேண்டும்.