3.0 பாட முன்னுரை

பாரதிதாசனின் வாழ்க்கை வரலாறு, நாட்டுப்பற்று,மொழிப்பற்று, இனப்பற்று முதலியவற்றை அவர் கவிதைகளின்வழி விளக்கிச் சொல்வது இப்பாடத்தின் நோக்கமாகும். புரட்சிக்கவிஞர் என்று போற்றப்பட்ட பாவேந்தர் பாரதிதாசன் தமிழுக்கும், தமிழ்க் கவிதைக்கும் புதுப்பொலிவு தந்தவர்; தமிழை உயிரென்றும், விழி என்றும், தமிழரின் வாழ்வு என்றும் பாடல் எழுதியவர். தமிழுக்கும், தமிழருக்கும், தமிழ்நாட்டுக்கும் புதுநெறி காட்டிய புலர்பொழுது இவர்.