பாடம் - 6

P20126 மொழிபெயர்ப்புச் சிக்கல்கள்

இந்தப் பாடம் என்ன சொல்கிறது?

மொழிபெயர்ப்பாளர் எதிர்கொள்கின்ற சிக்கல்களை
இந்தப் பாடம் எடுத்துரைக்கிறது. இலக்கிய மொழிபெயர்ப்பில்,
அறிவியல் மொழிபெயர்ப்புகளில், சட்டம், ஆட்சி, நிர்வாகம்
போன்ற துறைசார்ந்த மொழிபெயர்ப்புகளில், இதழியல்
துறைகளில் குறிப்பாக ஆங்கில-தமிழ் மொழிபெயர்ப்புகளில்
இயல்பாக எதிர்ப்படும் சிக்கல்களைக்கூறி, அவற்றைத்
தீர்க்கும் வழிமுறைகளையும் பற்றி இந்தப் பாடம் விளக்க
முற்படுகிறது.

இந்தப் பாடத்தைப் படிப்பதால் என்ன பயன் பெறலாம்?

•	பொதுவாக மொழிபெயர்ப்பாளர் எதிர்கொள்ளும் சிக்கல்களை அறிந்து கொள்ளலாம்.
•	இலக்கிய மொழிபெயர்ப்பு ஏறக்குறைய சிறப்பாக அமைவதற்கு வழி செய்யலாம்.
•	இலக்கிய மொழிபெயர்ப்பின் போது எதிர்ப்படும் சிக்கல்களை அறிந்து தீர்வு கண்டு மொழிபெயர்ப்பைச் சிறப்பாகச் செய்ய இயலும்.
•	புதிய துறைகளான அறிவியல்துறை மொழிபெயர்ப்பின் போது எதிர்கொள்ளும் சிக்கல்களைத் தவிர்க்கலாம்.
•	கலைச் சொல்லாக்கம் செய்கிறபோது சிக்கலின்றி, சிறப்பாக உருவாக்கலாம்.
•	சட்டம், ஆட்சி, நிர்வாகம் போன்ற வாழ்வியல் துறைகளில் மொழிபெயர்ப்பு, பொதுமக்களுடன் நேரடியாகத் தொடர்பு கொள்ள உதவுகிறது. இதில் சிக்கலின்றிச் செயல்பட இப்பாடம் உதவலாம்.
•	இதழியல் துறைகளில் செய்தி மொழிபெயர்ப்புதான் முக்கியமானது. அதில் சிக்கலின்றி மொழிபெயர்க்க இப்பாடக் குறிப்புகள் பயன்படலாம்.
•	பெரும்பான்மையான தகவல்கள் ஆங்கில மொழி வழியாகத் தமிழிற்கு வருவதால் மொழிபெயர்க்கும் போது ஏற்படும் சிக்கல்களைத் தவிர்க்க இந்தப் பாடப்பகுதி உதவலாம்.
•	மொத்தத்தில் இந்தப் பாடம் மொழிபெயர்ப்பாளருக்கு ஒரு கையேடாகப் பயன்படலாம்.