வெண்பா ஆறு வகைப்படும். அவை பின்வருமாறு:

     ஆசிரியப்பா நான்கு வகைப்படும். அவை பின்வருமாறு:

     நிலைமண்டில ஆசிரியப்பாவில் எந்த அடியை எங்கு மாற்றி
அமைப்பினும் பொருளும் ஓசையும் மாறாதிருப்பது.

(எ.கா) மாறாக் காதலர் மலைமறந் தனரே
     யாறாக் கட்பனி வரலா னாவே
     ஏறா மென்தோள் வளைநெகி ழும்மே
     கூறாய் தோழியான் வாழு மாறே

     இதன் அடிகளை இடம் பெயர்த்து மேலும் 15 வகைகளில்
அமைக்கவியலும்.

     · காய்ச்சீர் பயின்று வரும்; மாச்சீர், விளச்சீர், கூவிளங்கனி,
     கருவிளங்கனி ஆகியன வருதல் கூடாது.

     · கலித்தளை பயின்று வரும்; பிற தளைகளும் வரலாம்.

     · அளவடியுடையதாக அமையும்.

     · துள்ளலோசை உடையது.

     · தரவு, தாழிசை, அராகம், அம்போதரங்கம், தனிச்சொல்,
     சுரிதகம் என்னும் ஆறு உறுப்புகளுள் ஏற்பனவற்றைக்
     கொண்டு நடக்கும்.

     · தரவு: கலிப்பாவின் முதல் உறுப்பு; எருத்து எனவும்
     கூறப்பெறும்.

     · தாழிசை: கலிப்பாவின் இரண்டாம் உறுப்பு; தரவைவிடக்
     குறைந்த இசையும் ஓசையும் உடையது. தரவைக்காட்டிலும்
     அடியளவில் குறைந்தது; இடைநிலைப்பாட்டு எனவும்
     பெறும். மூன்றடுக்கி வருதல் மிகுதி (அதாவது, ஒரே
     கருத்தை மூன்று முறை, வெவ்வேறு உவமைகளுடன்
     கூறுதல்).

     · அராகம்: இசைத்தன்மையுடையது. முடுகியல், வண்ணகம்,
     அடுக்கியல் என்பன இதன் பிற பெயர்கள். சிற்றெல்லை 4
     அடி பேரெல்லை 8 அடி.

     · அம்போதரங்கம்: கடலலைபோல் சுருங்கி வருவது;
     அசையடி, பிரிந்திசைக் குறள், சொற்சீரடி, எண் என்பன
     இதன் வேறு பெயர்களாகும்.

     · தனிச்சொல் : பொருள் தொடர்புடையதாய், ஓர் அசை
     (அ) சீர் தனித்து வருவது. விட்டிசை, கூன், தனிநிலை,
     அசைநிலை என்பன இதன் பிற பெயர்களாகும்.

     · சுரிதகம்: பாட்டினை முடிக்கும் உறுப்பு. வெண்பாச் சுரிதகம்,
     ஆசிரியச் சுரிதகம் என இது இருவகைப்படும். அடக்கியல்,
     வாரம், வைப்பு, போக்கு, போக்கியல் என்பன இதன் வேறு
     பெயர்களாகும்.

     கலிப்பா நால்வகைப்படும். அவை:

     தரவு, மூன்றடுக்கிய தாழிசை, தனிச்சொல், சுரிதகம் ஆகியன
கொண்டது நேரிசை ஒத்தாழிசைக் கலிப்பா எனப்படும்.

     தாழிசையை அடுத்து அம்போதரங்கம் அமைவது
அம்போதரங்கக் கலிப்பாவாகும்.

     தாழிசையை அடுத்தும் அம்போதரங்கத்திற்கு முன்புமாக அராகம் அமைவது வண்ணக ஒத்தாழிசைக் கலிப்பா
எனப்பெறும்.

     · கனிச்சீர் பயின்று வரும்; பிற சீர்களும் வரும்; சிறுபான்மை
     நாலசைச் சீர்களும் வருவதுண்டு.

     · வஞ்சித்தளை பயின்று வரும்; பிற தளைகளும் வரலாம்.

     · குறளடியாலோ, சிந்தடியாலோ அமையும்; அளவடியும்
     வருவதுண்டு.

     · தூங்கலோசை உடையது.

     · தனிச்சொல் பெற்று வரும்.

     · ஆசிரியச் சுரிதகம் கொண்டு முடிவதாக அமையும்.

     · சிற்றெல்லை மூன்றடி; பேரெல்லைக்கு வரையறையில்லை.

     வஞ்சிப்பா இருவகைப்படும். அவையாவன:

     குறளடிகளால் ஆனது.

(எ.கா) வளவயலிடைக் களவயின்மகிழ்
     வினைக்கம்பலை மனைச்சிலம்பவும்
     மனைச்சிலம்பிய மணமுரசொலி
     வயற்கம்பலைக் கயலார்ப்பவும்
     நாளும்
     மகிழும் மகிழ்தூங் கூரன்
     புகழ்த லானாப் பெருவண் மையனே

· புறநிலை வாழ்த்து

     ‘வழிபடு தெய்வம் நின்னைக் காப்பதாக; நீ நீடு வாழ்க’
என்பது.

(எ.கா) அரசியல் கோடா தரனடியார்ப் பேணும்
     முரசியல் தானைவேல் மன்னர் - பரசோன்
     கழலிணை பொதுவில் காப்பாக
     வழிவழி சிறந்து வாழியர் பெரிதே

(பரசு - மழுப்படை; சிவனுக்குரியது)

· கைக்கிளை

     ஒருமருங்கு பற்றிய காமம்.

(எ.கா) பருந்தளிக்கு முத்தலைவேல் பண்ணவற்கே அன்றி
     விருந்தளிக்கும் விண்ணோர் பிறர்க்கும் - திருந்த
     வலனுயர் சிறப்பின் மன்ற வாணனக்
     குலமுனி புதல்வனுக் கீந்த
     அலைகட லாகுமிவ் வாயிழை நோக்கே

(இது வியனிலை மருட்பாவாகும்).

· வாயுறை வாழ்த்து

     ‘இன்று வெறுப்பளிப்பினும் பின்னர் நன்மைதரும்’ என்று
உண்மைப் பொருளை வற்புறுத்தி வாழ்த்துவது.

(எ.கா) வம்மின் நமரங்காள் மன்னுடையான் வார்கழல்கண்
     டுய்ம்மின் உறுதி பிறிதில்லை - மெய்ம்மொழிமற்
     றென்மொழி பிழையா தாகும்
     பின்வழி நுமக்குப் பெரும்பயன் தருமே

· செவியறிவுறூஉ

     பெரியோர் அறிவுறுத்துவது

(எ.கா) வாழ்த்துமின் தில்லை நினைமின் மணிமன்றம்
     தாழ்த்துமின் சென்னி தலைவற்கு - வீழ்த்த
     புறநெறி யாற்றா தறநெறி போற்றி
     நெறிநின் றொழுகுதிர் மன்ற
     துறையறி மாந்தர்க்குச் சூழ்கடன் இதுவே

     (இதுவும் வியனிலை மருட்பாவாகும்).

இவ்வாறு பா வகைகள் அமைகின்றன.