40. மருதம்

	நெடு நா ஒள் மணி கடி மனை இரட்ட,
	குரை இலைப் போகிய விரவு மணற் பந்தர்,
	பெரும்பாண் காவல் பூண்டென, ஒரு சார்,
	திருந்துஇழை மகளிர் விரிச்சி நிற்ப,
5	வெறி உற விரிந்த அறுவை மெல் அணைப்
	புனிறு நாறு செவிலியொடு புதல்வன் துஞ்ச,
	ஐயவி அணிந்த நெய்யாட்டு ஈரணிப்
	பசு நெய் கூர்ந்த மென்மை யாக்கைச்
	சீர்கெழு மடந்தை ஈர்-இமை பொருந்த,
10	நள்ளென் கங்குல், கள்வன் போல,
	அகன் துறை ஊரனும் வந்தனன்-
	சிறந்தோன் பெயரன் பிறந்தமாறே.	உரை