396. குறிஞ்சி

	பெய்து போகு எழிலி வைகு மலை சேர,
	தேன் தூங்கு உயர் வரை அருவி ஆர்ப்ப,
	வேங்கை தந்த வெற்பு அணி நல் நாள்,
	பொன்னின் அன்ன பூஞ் சினை துழைஇ,
5	கமழ் தாது ஆடிய கவின் பெறு தோகை
	பாசறை மீமிசைக் கணம் கொள்பு, ஞாயிற்று
	உறு கதிர் இள வெயில் உண்ணும் நாடன்!
	நின் மார்பு அணங்கிய செல்லல் அரு நோய்
	யார்க்கு நொந்து உரைக்கோ யானே-பல் நாள்
10	காமர் நனி சொல் சொல்லி,
	ஏமம் என்று அருளாய், நீ மயங்கினையே?	உரை