378. நெய்தல்

	யாமமும் நெடிய கழியும்; காமமும்
	கண்படல் ஈயாது பெருகும்; தெண் கடல்
	முழங்கு திரை, முழவின் பாணியின், பைபய,
	பழம் புண் உறுநரின், பரவையின் ஆலும்;
5	ஆங்கு அவை நலியவும், நீங்கி யாங்கும்,
	இரவு இறந்து, எல்லை தோன்றலது; அலர் வாய்
	அயல் இற் பெண்டிர் பசலை பாட,
	ஈங்கு ஆகின்றால்-தோழி!-ஓங்கு மணல்
	வரி ஆர் சிறு மனை சிதைஇ வந்து,
10	பரிவுதரத் தொட்ட பணிமொழி நம்பி,
	பாடு இமிழ் பனி நீர்ச் சேர்ப்பனொடு
	நாடாது இயைந்த நண்பினது அளவே.	உரை