328. குறிஞ்சி

	கிழங்கு கீழ் வீழ்ந்து, தேன் மேல் தூங்கி,
	சிற்சில வித்திப் பற்பல விளைந்து,
	தினை கிளி கடியும் பெருங் கல் நாடன்
	பிறப்பு ஓரன்மை அறிந்தனம்: அதனால்,
5	அது இனி வாழி-தோழி!-ஒரு நாள்,
	சிறு பல் கருவித்து ஆகி, வலன் ஏர்பு,
	பெரும் பெயல் தலைக, புனனே!-இனியே,
	எண் பிழி நெய்யொடு வெண் கிழி வேண்டாது
	சாந்து தலைக்கொண்ட ஓங்கு பெருஞ் சாரல்,
10	விலங்கு மலை அடுக்கத்தானும்,
	கலம் பெறு விறலி ஆடும் இவ் ஊரே.	உரை