331

	கல் அறுத்து இயற்றிய வல் உவர்க் கூவல்,
	வில் ஏர் வாழ்க்கை, சீறூர் மதவலி
	நனி நல்கூர்ந்தனன்ஆயினும், பனி மிக,
	புல்லென் மாலைச் சிறு தீ ஞெலியும்
5	கல்லா இடையன் போல, குறிப்பின்
	இல்லது படைக்கவும் வல்லன்; உள்ளது
	தவச் சிறிது ஆயினும் மிகப் பலர் என்னாள்,
	நீள் நெடும் பந்தர் ஊண் முறை ஊட்டும்
	இல் பொலி மகடூஉப் போல, சிற் சில
10	வரிசையின் அளிக்கவும் வல்லன்; உரிதினின்
	காவல் மன்னர் கடைமுகத்து உகுக்கும்
	போகு பலி வெண் சோறு போலத்
	தூவவும் வல்லன், அவன் தூவுங்காலே.