380

	தென் பவ்வத்து முத்துப் பூண்டு,
	வட குன்றத்துச் சாந்தம் உரீஇ,
	........................................ங் கடல் தானை,
	இன் இசைய விறல் வென்றி,
5	தென்னவர் வய மறவன்;
	மிசைப் பெய்த நீர் கடல் பரந்து முத்து ஆகுந்து,
	நாறு இதழ்க் குளவியொடு கூதளம் குழைய,
	வேறுபெ.............................................த்துந்து,
	தீம் சுளைப் பலவின் நாஞ்சில் பொருநன்;
10	துப்பு எதிர்ந்தோர்க்கே உள்ளாச் சேய்மையன்;
	நட்பு எதிர்ந்தோர்க்கே அங்கை நண்மையன்;
	வல் வேல் கந்தன் நல் இசை அல்ல,
	.....................த்தார்ப் பிள்ளை அம் சிறாஅர்;
	அன்னன் ஆகன்மாறே, இந் நிலம்
15	இலம்படு காலை ஆயினும்,
	புலம்பல் போயின்று, பூத்த என் கடும்பே.