338

	ஏர் பரந்த வயல், நீர் பரந்த செறுவின்,
	நெல் மலிந்த மனை, பொன் மலிந்த மறுகின்,
	படு வண்டு ஆர்க்கும் பல் மலர்க் காவின்,
	நெடு வேள் ஆதன் போந்தை அன்ன,
5	பெருஞ் சீர் அருங் கொண்டியளே; கருஞ் சினை
	வேம்பும் ஆரும் போந்தையும் மூன்றும்
	மலைந்த சென்னியர், அணிந்த வில்லர்,
	கொற்ற வேந்தர் வரினும், தன் தக
	வணங்கார்க்கு ஈகுவன் அல்லன் வண் தோட்டுப்
10	பிணங்கு கதிர்க் கழனி நாப்பண், ஏமுற்று
	உணங்கு கலன் ஆழியின் தோன்றும்
	ஓர் எயில் மன்னன் ஒரு மட மகளே.