83

	அடி புனை தொடுகழல், மை அணல் காளைக்கு என்
	தொடி கழித்திடுதல் யான் யாய் அஞ்சுவலே;
	அடு தோள் முயங்கல் அவை நாணுவலே;
	என் போல் பெரு விதுப்புறுக என்றும்
5	ஒரு பாற் படாஅதாகி,
	இரு பாற் பட்ட இம் மையல் ஊரே!

 

84

	என்னை, புற்கை உண்டும் பெருந் தோளன்னே;
	யாமே, புறஞ் சிறை இருந்தும் பொன் அன்னம்மே;
	போர் எதிர்ந்து என்னை போர்க் களம் புகினே,
	கல்லென் பேர் ஊர் விழவுடை ஆங்கண்,
5	ஏமுற்றுக் கழிந்த மள்ளர்க்கு
	உமணர் வெரூஉம் துறையன்னன்னே.

 

85

	என்னைக்கு ஊர் இஃது அன்மையானும்,
	என்னைக்கு நாடு இஃது அன்மையானும்,
	'ஆடு ஆடு' என்ப, ஒரு சாரோரே;
	'ஆடு அன்று' என்ப, ஒரு சாரோரே;
5	நல்ல, பல்லோர் இரு நன் மொழியே;
	அம் சிலம்பு ஒலிப்ப ஓடி, எம் இல்,
	முழாஅரைப் போந்தை பொருந்தி நின்று,
	யான் கண்டனன், அவன் ஆடு ஆகுதலே.